@Mussarat3 November 2023 at 04:34
کرنا نہیں ہے کچھ بھی حمایت تو کیجئے
ہیں کس کے ساتھ آپ وضاحت تو کیجئے

جن کے لئے رسولﷺ بشارت ہیں دے گئے
ان کے لئے سخن کی جسارت تو کیجئے

انسانیت کا درس اٹھا کر کہاں چلے
مرتے ہوؤں کی مڑ کے زیارت تو کیجئے

کچھ کیجئے نہ کیجئے دنیا کے سامنے
مظلوم کی طرف سے وکالت تو کیجئے

اقصیٰ کی سمت آنکھیں گھمائیں ذرا جناب
چیخ و پکار اس کی سماعت تو کیجئے

اقصیٰ سے اپنے دین کی نسبت قدیم ہے
نسبت کی آگے بڑھ کے حفاظت تو کیجئے

ہم نے مزاحمت کو بھی دہشت بنا دیا
اب ظلم ہورہا ہے ملامت تو کیجئے

سسٹم بدل تو سکتے نہیں ہیں مگر جناب
سسٹم کے ساتھ تھوڑی بغاوت تو کیجئے
Maa baap ki shaan and 6 others32 views
Comment
Share
Share
Be the first to write comment