بند دکان کے تھڑے پر بیٹھے دو بوڑھے آپس میں باتیں کرتے ہوئے ہنس ہنس کر لوٹ پوٹ ہو رہے تھے, کہ ایک متجسس راہگیر نے ان سے اتنا خوش ہونے کی وجہ پوچھ لی۔
ایک بوڑھے نے اپنی ہنسی پر قابو پاتے ہوئے کہا: ہم نے ملک کے مسائل حل کرنے کیلیئے ایک شاندار منصوبہ ڈھونڈ لیامنصوبہ یہ ہے کہ ساری قوم کو جیل میں ڈال دیا جائے۔
اور ان سب کے ساتھ ایک گدھا بھی جیل میں ڈالا جائے۔
راہگیر نے حیرت سے دونوں کو دیکھا اور پوچھا:
وہ تو ٹھیک ہے مگر قوم کے ساتھ گدھے کو کیوں قید کیا جائے؟
دونوں بوڑھوں نے فلک شگاف قہقہہ لگاتے ہوئے ایک دوسرے کو دیکھا،
ایک بوڑھے نے دوسرے سے کہا:
دیکھا رحیمے: آگیا نا ثبوت اور یقین تجھے میری بات پر!
میں نہیں کہتا تھا کہ یہ قوم اپنے بارے میں کبھی پریشان نہیں ہو گی،
سب کو بس گدھے کی ہی فکر ہو گی!
😄😄😄